"Эх орончдын өдөр", Монгол ардын нам үүсэн байгуулагдсаны түүхт 105 жилийн ойг тохиолдуулан өнөөдөр /2026.03.12/
"Баярын хурал" зохион байгуулав.
Баярын хурлыг аймгийн Монгол ардын намын хорооны дарга М.Ганзориг нээж үг хэлсний дараагаар Төрийн дуулал эгшиглүүлэв.
Түүнчлэн МАН-ын түүх, үе үеийн амжилт, ололт, цаашдын зорилтын талаар илтгэл танилцууллаа. Мөн намын бодлого, үйл ажиллагааг дэмжиж өөрийн үзэл, бодол, итгэл үнэмшлээрээ Монгол ардын намыг сонгон элсэж буй 105 иргэнд
"НАМЫН ГИШҮҮНИЙ БАТЛАХ" гардуулж амжилт хүслээ.
Энэ үеэр:
Төр захиргаа, эрүүл мэнд, боловсрол, соёл урлаг, батлан хамгаалах, дэд бүтэц, газар тариалан, нийтийн тээвэр, хөдөө аж ахуйн салбар болон хувийн хэвшилд олон жил идэвх зүтгэл, үр бүтээлтэй ажиллаж, аймаг, орон нутгийнхаа бүтээн байгуулалт, хөгжил цэцэглэлтэд үнэтэй хувь нэмэр оруулсан нэр бүхий иргэдэд "Төрийн дээд одон, медаль" гардууллаа.
Монгол улсын Ерөнхийлөгчийн зарлигаар хийсэн бүтээсэн хөдөлмөр зүтгэлээ төрдөө үнэлүүлсэн иргэдийн шагналыг аймгийн Монгол ардын намын хорооны дарга М.Ганзориг албаны бусад төлөөллийн хамтаар гардуулж баяр хүргэв.
Ташрамд сонирхуулахад:
Улсын Их Хурал 2004 онд "Нийтээр тэмдэглэх баяр болон тэмдэглэлт өдрүүдийн тухай хууль"-д нэмэлт оруулж жил бүрийн гуравдугаар сарын 01-ний өдрийг "Эх орончдын өдөр" болгон тэмдэглэх шийдвэр гаргасан байдаг.
