Өнөөдөр /2026.06.03/ аймгийн Онцгой комисс хуралдлаа. Гишүүдийн 95 хувийн ирцтэй хуралдсан тус хурлаар:Булган, Үенч суманд гарсан малын гоц халдварт шүлхий өвчний нөхцөл байдал, авч хэрэгжүүлж буй арга хэмжээ цаашид анхаарах асуудлын талаар ярилцаж шийдвэр гаргалаа. 

-Баруун гурван суманд /Булган, Үенч, Алтай/ сум, багийн түвшинд хүн малын болон тээврийн хэрэгслийн хөдөлгөөнийг 14 хоногийн хугацаанд хязгаарлах, 

-Ариутгал халдваргүйтгэлийн ажлыг эрчимжүүлж ачаа тээврийг хэвийн явуулах, аймаг сумын шаардлагатай цэгүүдэд пост гаргах, 

-Үүссэн нөхцөл байдалтай холбоотой асуудлыг шийдвэрлэх, мэргэжил арга зүйгээр хангах, халдварыг хумих зэрэг чиглэлээр ажиллах "Шуурхай штаб"-ыг аймгийн Онцгой комиссын дэргэд байгуулж ажиллахаар боллоо. 

Өнөөдрийн /2026.06.03/ байдлаар Булган, Үенч суманд шүлхий өвчний халдварын нийт зургаан голомтод 200-аад мал өвчилсөн мэдээтэй байна. 

Мэргэжлийн байгууллагаас ирүүлсэн зөвлөмжийн дагуу зарим малыг устгахаар ажиллаж байна.