-Аргын тооллын 8 сарын 5. Пүрэв (Бархасвад) гараг (2021)

-Билгийн тооллын 27, хөхөгчин тахиа, хэрцгий охин-5 од, суудал шороо, мэнгэ 7 улаан, үл зохилдохын барилдлагатай өдөр.

-Өдрийн нар ургах/шингэх цаг: 05:33-20:21. 

-Өдрийн сайн цаг: Туулай(05:40-07:40), хонь(13:40-15:40), тахиа(17:40-19:40), бар(03:40-05:40) болой.

-Хүний сүлд нүд, өвдөг, хөлний булчинд, гэрийн сүлд голомтонд орших болой.

-Үс засуулахад сэтгэл амгалан өлзийтэй сайн. Гэвч туулай, луу, үхэр, хонь, нохой, бич, тахиа жилтнээ муу цээрлэвэл зохилтой.

-Хол газар явагсад баруун хойд зүгт мөрөө гаргавал зохистой.

-Могой, тахиа, бар жилтнээ аливаа үйлийг хийхэд эерэг сайн. Харин туулай, үхэр, луу, хонь, нохой жилтнээ сөрөг муу.

-Аливаа бодсон санасан ажил үйл ном ёсоороо бүтэх маш сайн. Харин андгай тангарагаас няцах, дайсныг номхруулах үйл, үзмэр үзэх, мал агтлах, нууц зөвлөгөөн, хурим найр хийх, гуйлга гуйх, анд бололцох, бэрийн үйлд муу. Модон гараг дэлгэрдэгч сор бүү гарга.

-Зурхайч лам Д. Цогтбаатар