Сар шинийн босгон дээр мал аж ахуй, газар тариалангийн салбарт олон жил тогтвортой ажиллаж байгаа шилдэг малчин, саальчин, тариаланчдыг зохих журмын дагуу шалгаруулдаг уламжлалтай.

Энэ жил аймгийн Хошой аварга малчнаар есөн сумын 10 өрх шалгарсан. 

Харин аймгийн аварга малчнаар 16 сумын 71 өрх шалгарсан бол аварга саальчнаар гурван сумын гурван өрх, аварга тариаланчаар дөрвөн сумын долоон өрх тус тус шалгарсан юм. 

Чандмань сумаас "Аймгийн аварга малчин өрх" зургаа шалгарчээ.

Тухайлбал,

Баянхайрхан багийн малчин Чулуунбатын Цогоо, Содномжанцангийн Нямдорж нар, Жаргалант багийн малчин Доржравдангийн Тогсоо, Сүлжээ багийн малчин Даваажавын Ганболд, Талын булаг багийн малчин Даваажавын Эрхзаяа, Тахилт багийн малчин Бямбаагийн Ганболд нар “Аймгийн аварга малчин өрх”-өөр, шалгарч шагналаа хүндэтгэлтэйгээр гардан авлаа.

Аймгийн аварга малчин өрхөд “ХҮНДЭТГЭЛ ҮЗҮҮЛЭХ ЁСЛОЛ”-ыг аймгийн Засаг дарга Э.Болормаагаар ахлуулсан ажлын хэсэг энэ сарын 05-ны өдөр тус сумын “Соёлын төв”-д зохион байгуулж хүндтэй шагналыг нь гардуулан өгч баяр хүргэлээ.

Чандмань сум 582 малчин өрхтэй. 

280 мянга гаруй мал өвөлжиж байна.