-Аргын тооллын 8 сарын 8. Мягмар (Ангараг) гараг /2017/

-Билгийн тооллын 16, улаагчин туулай, тооно-22 од, хий суудал, 7 улаан мэнгэ, үхэхийн барилдлагатай өдөр. Хутганы ир өдөр.

-Өдрийн нар ургах/шингэх цаг: 05:37-20:17.

-Өдрийн сайн цаг: Хулгана(23:40-01:40), бар(03:40-05:40), туулай(05:40-07:40), морь(11:40-13:40), хонь(13:40-15:40), тахиа(17:40-19:40) болой.

-Хол газар явагсад урд зүгт мөрөө гаргавал зохистой.

-Хүүхдийн сэвлэг үргээхэд тус ашиг олох сайн. Гэвч тахиа, бич, могой, морь жилтнээ цээртэй.

-Хонь, гахай, туулай, могой, морь жилтэн аливаа үйлийг хийхэд эерэг сайн. Харин тахиа, бич жилтэн сөрөг муу.

-Анд нөхөр бололцох, эд бараа худалдах, газрын ам нээх, дайнд ялах, худалдаа хийх, балгас эвдэх, шинэ ноён тавих, захиран тушаах, ном заалгах, бурханд залбирах, ихэс дээдэст бараалхах, үхэр хонь зэрэг малтай холбогдох үйл, мал адгуус муулах үйлд сайн. Хот суурин, байшин эхлэн барих, бэрийн үйл, газар хагалах, суваг шуудуу малтах, цэрэг хөдөлгөх, нүүдэл хийх, үзмэр үзэх, хурим хийх, газар хөндөх, эм найруулах, замд гарах, үхэгсдийн үйл, равнайлах, хэрүүл тэмцэл, зарга хийхэд муу. Эр хүн хэрэг чирэгдэлд холбогдохоос болгоомжилж явах ёстой. Хүн мал амгалангүй тул хичээн сэрэмжлэх хэрэгтэй. Түшмэл, хутганы өдөр дэлгэрдэгч хутга бүү хурцал.