Аймгийн ЗДТГ-аас жил бүр Хяналт үнэлгээ хийж сум байгууллагуудын ажлыг нийт 60 гаруй үзүүлэлтээр дүгнэн байр эзлүүлдэг. Тэгвэл бүх ажлын үзүүлэлтээрээ Булган сум хамгийн өндөр үнэлгээ авчээ. Өөрөөр хэлбэл Ховд аймгийн Булган сум 2017 оны ажлаараа аймагтаа 1 дүгээр байранд мөн тус сумын Алагтолгой баг аймгийн 91 багаас ажлаараа 1 дүгээр байранд шалгарсан бөгөөд аймгийн Засаг дарга Д.Галсандондог орон нутагт ажиллах үеэрээ тэргүүний сум, багийн шагналыг гардуулан өгч баяр хүргэлээ.

Аймгийн Засаг дарга хэлсэн үгэндээ “Энэхүү шагнал бол хөдөлмөрч бүтээлч зон олон та бүхний олон жилийн нөр их хөдөлмөрийг үнэлэсний сацуу цаашид ихийг хийж бүтээх итгэл найдвар, үүрэг хүлээлгэн өгч байгаа шагнал шүү” гэдгийг онцлон хэлэв. 

Мөн тус сумын хувьд аймгийн Засаг даргын санаачилгаар хэрэгжсэн “Цэвэрч ховдчууд” болзолт уралдааны хүрээнд Булган сум 1 дүгээр байр эзэлсэн шагналыг тус тус гардуулан өглөө.