![May be an image of 8 people and text](https://scontent.fuln5-1.fna.fbcdn.net/v/t39.30808-6/428647360_795807539246143_4938761030978998538_n.jpg?_nc_cat=105&ccb=1-7&_nc_sid=a73e89&_nc_ohc=EJ3XZmRWxgUAX89KfJZ&_nc_ht=scontent.fuln5-1.fna&oh=00_AfATls7HA2DpESrEg6m9-2qYLEdFLgElJ8YDiJlrNtlNGw&oe=65DBA4E8)
Хаваржилт хүндэрсэн аймаг, сумдад тусламж үзүүлэх зургаан бүлэг орон нутагт ажиллаж байна. Тухайлбал, Эдийн засаг хөгжлийн сайд Ч.Хүрэлбаатараар ахлуулсан Улсын Онцгой комиссын Шуурхай бүлэг энэ сарын 21-22-ны өдөр Ховд аймагт ажиллаж байна.
Тус шуурхай бүлэг өчигдөр /2024.02.21/ аймгийн Онцгой комиссын гишүүдийг оролцуулсан өргөтгөсөн хуралдаан зохион байгууллаа.
![May be an image of 1 person, television, newsroom and text](https://scontent.fuln5-1.fna.fbcdn.net/v/t39.30808-6/428618179_795807622579468_5616695263269921664_n.jpg?_nc_cat=102&ccb=1-7&_nc_sid=a73e89&_nc_ohc=0KTkITJXf6oAX-Ljtpn&_nc_ht=scontent.fuln5-1.fna&oh=00_AfDSeY77vvJgHduaKU1ebL0yAVSXpeRkfeWS70nk-3SDLg&oe=65DBB9CD)
Энэ үеэр орон нутгийн удирдлагууд цаг үеийн нөхцөл байдал, хэрэгжүүлж буй ажлаа дэлгэрэнгүй танилцууллаа. Мөн зарим шийдвэрлэх шаардлагатай байгаа асуудлын талаар санал хэлэв.
Үүнд: -2023-2024 онд тохиолдсон хүчтэй салхи шуурганд унасан 97 өрхийн гэрийн асуудлыг шийдвэрлэх
-Булган, Үенч, Манхан, Цэцэг сумын ЗДТГ, Эрүүл мэндийн газар, Дуут, Зэрэг сумын эрүүл мэндийн төвд туулах чадвар сайтай автомашин шийдвэрлэх
-Сумдад шатахууны дэмжлэг үзүүлэх /30 тонн дизель түлш, 20 тонн АИ-92 бензин/
-Баруун бүсийн төв-Ховд аймгийн Онцгой байдлын газарт туулах чадвар сайтай том оврын автомашин шийдвэрлэх зэрэг санал уламжилсан юм.
![May be an image of 1 person and text](https://scontent.fuln5-1.fna.fbcdn.net/v/t39.30808-6/428624480_795807712579459_3999802474999733409_n.jpg?_nc_cat=111&ccb=1-7&_nc_sid=a73e89&_nc_ohc=uO4tNc6Dg2YAX93S6Z4&_nc_ht=scontent.fuln5-1.fna&oh=00_AfAGb6JOWrbDU-8alN4OnKbOkmexMD7SNs9l1bMaCmxucw&oe=65DC1A40)
Шуурхай бүлэг үргэлжлүүлэн хаваржилт хүндэрсэн Булган, Алтай, Үенч суманд ажиллана.
![May be an image of 6 people and text](https://scontent.fuln5-1.fna.fbcdn.net/v/t39.30808-6/428622899_795807759246121_2225786554413983561_n.jpg?_nc_cat=111&ccb=1-7&_nc_sid=a73e89&_nc_ohc=Juy_uWyPnKUAX9IUVxs&_nc_ht=scontent.fuln5-1.fna&oh=00_AfCrIpXRCv_RKnHMZ8sfgyPQvUDdwfHNZGbJ3lloAq23FQ&oe=65DB02DC)
Мэргэжлийн байгууллагаас ирүүлсэн мэдээллээр энэ сарын 21-ний өдрийн 8:00 цагийн байдлаар Ховд аймгийн 17 сумаас долоон сумын нутагт 0-30 см зузаан цасан бүрхүүлтэй байна. Үүнээс Алтай суманд 30 см, Үенч суманд 29 см, Булган суманд 18 см зузаан цасан бүрхүүл тогтож, хаваржилт хүндрээд байгаа юм.