Монголын Улаан Загалмай Нийгэмлэг, Ховд аймгийн Улаан Загалмай Хороо, аймгийн Онцгой комиссийн хамтарсан баг үерт өртсөн айл өрхүүдэд хүмүүнлэгийн тусламж үзүүлэхэд шаардагдах судалгааг гаргах зорилгоор Жаргалант сумын багуудад ажиллаж, үерийн нөхцөл байдлын болон үерийн усанд автсан айл өрхүүдийн хэрэгцээний үнэлгээ, судалгаа хийлээ.

Судалгааны үр дүнд Монголын Улаан Загалмай Нийгэмлэгээс үерт өртсөн Жаргалант сумын 176 өрх, Мянгад сумын 4 өрх, Чандмань сумын 7 өрх, нийт 187 айл өрхөд мөнгөн болон багцийн тусламж үзүүлэхээр шийдвэрлэлээ.