Монгол улсын Хөдөлмөрийн баатар н.Галсандоржийн зээ хүү Б.Баярсайхан өвөг дээдсийнхээ малч уламжлалыг үргэлжлүүлж, мал аж ахуйн салбарт олон жил үр бүтээлтэй ажилласан хөдөлмөр зүтгэлээ үнэлүүлэн
“Аймгийн аварга малчин” цол хүртлээ.
Тэрбээр бага наснаасаа эхлэн аав ээжийгээ даган мал маллаж, малч ухаанд нь суралцсан байна. Аймгийн аварга малчин Б.Баярсайхан, Б.Уранбилэг нар 2009 онд 300-аад толгой малтай өрх тусгаарлаж байсан бол өдгөө таван төрөл дээр нь өсгөсөөр 1300 гаруй толгойд хүргэжээ.
Эднийх бэлчээрийн тэнцвэрт байдлыг хадгалахын тулд хонин сүргийг түлхүү өсгөдөг байна. Ингэхдээ ашиг шим өндөртэй Сутай омгийн хониор сүргийн бүтцээ сайжруулдаг гэлээ.
Мал сүргээ өөрөө гардаж малладаг ч мал төллөх, ямаа самнах үеэр тодорхой хэмжээнд түр ажлын байр гаргадаг гэж байлаа.