-Аргын тооллын 5 сарын 16. Даваа (Сумьяа) гараг (2022)
-Билгийн тооллын шинийн 15, шарагчин могой, гар од-16 од, суудал уул, мэнгэ 2 хар, идэрийн барилдлагатай өдөр. Овоо тахих, лусын буулттай өдөр.

-Өдрийн нар ургах/шингэх цаг: 05:13-20:24.

-Өдрийн сайн цаг: Гахай(21:40-23:40), үхэр(01:40-03:40), луу(07:40-09:40), морь(11:40-13:40), хонь(13:40-15:40), нохой(19:40-21:40) болой.

-Хүний сүлд бүх биед, гэрийн сүлд хатавч, хаалганы хананд орших болой.

-Үс засуулахад өлзийтэй маш сайн. Гэвч гахай, луу жилтнээ муу цээрлэвэл зохилтой.

-Хол газар явагсад баруун хойд зүгт мөрөө гаргавал зохистой.

-Тахиа, үхэр, могой, нохой жилтнээ аливаа үйлийг хийхэд эерэг сайн. Харин гахай жилтнээ сөрөг муу.

-Ажил үйлс ном ёсоороо бүтэх сайн. Харин мод таслах, газар малтах, эм найруулах, ус хааж бөглөх, бэрийн үйл, худалдаа хийх, заргалдах, мөр гаргах, морь худалдах, эхэлж ном сонсох, замд гарах, шинэ дээл өмсөх, эд юм өгөх, өмнө зүгт явах, нүүдэл хийхэд муу. Лусын үүд дэлгэрдэгч балин бүү гарга.

-Зурхайч лам Д. Цогтбаатар.