-Аргын тооллын 4 сарын 11. Даваа (Сумьяа) гараг (2022)

-Билгийн тооллын шинийн 10, хөх морь, үнэг-8 од, суудал төмөр, мэнгэ 1 цагаан, рашааны барилдлагатай өдөр. Балжиннямтай өдөр.

-Өдрийн нар ургах/шингэх цаг: 06:11-19:36.

-Өдрийн сайн цаг: Морь(11:40-13:40), бич(15:40-17:40), хулгана(23:40-01:40), үхэр(01:40-03:40) болой.

-Хүний сүлд ам, мөр, бэлхүүст, гэрийн сүлд гэр, байшинд орших болой.

-Үс засуулахад эрхтэн хүчин дэлгэрэх сайн. Гэвч хулгана, луу жилтнээ муу цээрлэвэл зохилтой.

-Хол газар явагсад баруун урд зүгт мөрөө гаргавал зохистой.

-Нохой, бар, морь жилтнээ аливаа үйлийг хийхэд эерэг сайн. Харин хулгана жилтнээ сөрөг муу.

-Цог буяны өдөр тул аливаа үйлд маш сайн. Буяны үйл, үйлс эхлэн, хишиг даллага авах, гэр байшин барих, бэр буулгах, хуврага тойн болох, эд мал авах зэрэгт буян хишиг нэмэх нэн сайн.

-Зурхайч лам Д. Цогтбаатар.