Аймгийн Нийгмийн бодлогын асуудал хариуцсан Засаг даргын орлогч Л.Энхбаяраар ахлуулсан ажлын хэсэг Цэцэг суманд ажиллах үеэрээ Хүүхдийн цэцэрлэгээр орж ажил байдалтай нь танилцав.



Тус цэцэрлэг нь хамран сургах тойргийн 300 гаруй хүүхдэд сургуулийн өмнөх боловсрол олгож байна.

Сургалтын үйл ажиллагаа хэвийн. Одоогоор тулгамдсан асуудал харьцангуй бага. Гал тогооны уур татагчийг шинэчлэн сайжруулах шаардлагатай гэж цэцэрлэгийн эрхлэгч Ч.Буяндэлгэр ярилаа.

Цэцэрлэгийн барилга нь 1991 онд ашиглалтад орсон. 2022 онд их засвар хийж сургалтын орчныг илүү сайжруулжээ.

Өнгөрсөн онд тус цэцэрлэгийн хамт олон гүйцэтгэлийн үнэлгээгээрээ нэгдүгээр түвшинд үнэлэгдсэн амжилттай ажиллаж байна.

Аймгийн Нийгмийн бодлогын асуудал хариуцсан Засаг даргын орлогч Л.Энхбаяр:

Хүүхэд багачуудыг илүү хөгжүүлэх, өнгөрсөн онд гаргасан амжилт, ололтоо бататган ахиулахыг зөвлөж ажилд нь амжилт хүслээ.