Өнөөдөр /2025.09.20/ аймгийн ИТХ-ын дарга З.Эрхбаяр, Засаг дарга М.Амарсанаа нар холбогдох бусад удирдлагуудын хамтаар ОХУ-аас Монгол Улсад суугаа Онц бөгөөд Бүрэн эрхт Элчин сайд ЕВСИКОВ Алексей Николаевичийг хүлээн авч уулзав.
Уулзалтаар:
Хоёр улсын олон жилийн уламжлалт хамтын ажиллагаа, эрэлт хэрэгцээ, хөгжлийн талаар харилцан санал солилцлоо.
Улмаар:
ОХУ-Монгол улс-БНХАУ гэсэн маршрутаар аялал, жуулчлалыг хөгжүүлэх, тээвэр логистик, ХАА тэр дундаа мал, мах экспортлох, боловсролын салбарт түлхүү хамтран ажиллахыг чухалчилж байгаагаа илэрхийлсэн байна.
Ховд аймаг төдийгүй бүс нутгийн хөгжлийг төлөө дээрх салбарт хамтран ажиллана. Мөн уламжлалаа илүү бататгаж оюутан, сурагч, багш нарын Орос хэлний мэдлэгийг илүү дээшлүүлэх, харилцан туршлага солилцох, Орос хэлийг түгээн дэлгэрүүлэх зорилгоор боловсролын салбарт түлхүү хамтран ажиллахаар ярилцжээ.
Элчин сайд ЕВСИКОВ Алексей Николаевичийг дагалдан элчин сайдын яамны Цэрэг, агаарын цэргийн атташе ПЕТРУНИН Павел Владимирович, нэгдүгээр нарийн бичгийн дарга Безруков Станислав Сергеевич, Ганжуров Андрей Владимирович нар ажиллав.
Ажлын хэсэгт Ховд аймагт байгуулж буй Шинэ Ховд үйлдвэр технологийн парк, Амар органик мийт махны үйлдвэр, МУИС-ийн Баруун бүсийн сургуулийн үйл ажиллагааг танилцууллаа.
