-Аргын тооллын 12 сарын 9. Даваа (Сумьяа) гараг/ 2019 /

-Билгийн тооллын шинийн 13, цагаан луу, гоё хүүхэн-1 од, суудал ус, мэнгэ 9 улаан, үхэхийн барилдлагатай өдөр.

-Өдрийн нар ургах/шингэх цаг: 08:28-16:59.​

-Өдрийн сайн цаг: Луу(07:40-09:40), могой(09:40-11:40), бич(15:40-17:40), тахиа(17:40-19:40), гахай(21:40-23:40), бар(03:40-05:40) болой.

-Үс засуулбал аз жаргал ирэх сайн. Гэвч нохой, луу жилтнээ цээрлэвэл зохилтой.

-Хол газар явагсад зүүн зүгт мөрөө гаргавал зохистой.

-Хулгана, бич, луу жилтнээ аливаа үйлийг хийхэд эерэг сайн. Харин нохой жилтнээ сөрөг муу.

-Байшин, балгад тэргүүтэн газар шорооны үйл, хишиг даллага авах, эм найруулах, лус ба тэнгэр тахих, хөрөнгө исгэх, архи нэрэх, сүм хийд босгох, бэрийн үйл, хурим хийх, сан тавих, хот байгуулах, ном айлтгаж заалгах, дээдэст бараалхах, буяны үйл, зэтгэрийг номхтгох, шүтээн босгох, тооцоо хийх, мэргэ төлгө тавих, мал адгуус муулах үйлд сайн. Цэрэгт мордох, онгоц, сал, модон тээрэм урлах, гүүр барих, хануур төөнүүр хийлгэх, газар малтах, оёх шидэх, эсгэх, эхэлж ном сонсох, замд гарах, эд юм өгөх, өмнө зүгт явах, мал худалдан авахад муу. Лусын үүд дэлгэрдэгч балин бүү гарга.