Аргын тооллын 11 сарын 28. Даваа (Сумьяа) гараг (2022)

-Билгийн тооллын шинийн 5, хөхөгчин тахиа, яруу эгшигт-21 од, суудал шороо, мэнгэ 4 ногоон, идэрийн барилдлагатай өдөр. Хутганы ир, лусын буулттай өдөр.

-Өдрийн нар ургах/шингэх цаг: 08:16-17:03.

-Өдрийн сайн цаг: Туулай(05:40-07:40), хонь(13:40-15:40), тахиа(17:40-19:40), бар(03:40-05:40) болой.

-Хүний сүлд ам, хүйс, танхимд, гэрийн сүлд хатавч, хаалганы хажуу хананд орших болой.

-Үс засуулахад эд, мал арвижих сайн. Гэвч туулай, луу жилтнээ муу цээрлэвэл зохилтой.

-Хол газар явагсад баруун урд зүгт мөрөө гаргавал зохистой.

-Могой, үхэр, тахиа, нохой жилтнээ аливаа үйлийг хийхэд эерэг сайн. Харин туулай жилтнээ сөрөг муу.

-Аливаа санасанүйлс сэтгэлчлэн бүтмүй. Харин үзмэр үзэх, мал агтлах, нууц зөвлөгөөн, хурим найр хийх, гуйлга гуйх, ном сонсох, замд гарах, шинэ дээл өмсөх, эд юм өгөх, өмнө зүгт явах, модны үйл, үхэгсдийн үйлд муу. Лусын үүд дэлгэрдэгч балин бүү гарга.

-Зурхайч лам Д. Цогтбаатар.