-Билгийн тооллын 25, хар бар, шийдэм-0 од, суудал мод, мэнгэ 5 шар, хүчин төгсөхийн барилдлагатай өдөр. Хутганы ир өдөр.

-Өдрийн нар ургах/шингэх цаг: 04:53-20:51.

-Өдрийн сайн цаг: Нохой(19:40-21:40), хулгана(23:40-01:40), үхэр(01:40-03:40), луу(07:40-09:40), хонь(13:40-15:40) болой.

-Үс бүү засуул нүд бүрэлзэн улцайх тулмуу цээрлэвэл зохилтой.

-Хол газар явагсад хойд зүгт мөрөө гаргавал зохистой.

-Нохой, морь, бар, могой жилтнээ аливаа үйлийг хийхэд эерэг сайн. Харин бич, тахиа жилтнээ сөрөг муу.

-Хүний сүлд ам, тавхай, тахимд, гэрийн сүлд эд бараанд орших болой.

-Эр цэрэг, могой, морь жилтний сүлд гараг, бич, тахиа жилтний харш гараг.

-Аливаа санасан зөв үйл сэтгэлчлэн бүтмүй. Харин газар хагалах, хурим хийх, нохой авах, мод таслах, тангараг тавих, цацал өргөх, эм найруулах, төрөл садан болох, бурхан сахиус тахих, ном эхлэн заалгах, худаг малтах, ажилчин шүтүүлэх, хүнийг ханаж, төнөх, буян хишгийн даллага авах, буян номын үйл, дээл хувцас, гэр орны хэрэгсэл эсгэх, оёж, хатгах үйл, шинэ гэр, байшин, асар майхан барих, суурь тавих, нүүдэл хийх, арилжаа наймаа хийх, эд мал худалдан авах, замд гарах, бэрийн үйл, үхэгсдийн үйлд муу. Эр хүн хэрэг чирэгдэлд холбогдохоос болгоомжилж явах ёстой. Хүн мал амгалангүй тул хичээн сэрэмжлэх хэрэгтэй. Түшмэл, хутганы өдөр дэлгэрдэгч хутга бүү хурцал.