
БНХАУ-ын Шанхай хотод НҮБ-ын Аж үйлдвэрийн хөгжлийн байгууллага (UNIDO) болон Ази, Номхон далайн санхүү, хөгжлийн хүрээлэн (AFDI) хамтран “Аж үйлдвэрийн парктай танилцах сургалтын хөтөлбөр 2025” зохион байгуулж байна.

Энэ оны 06 дугаар сарын 16-21-ний өдрүүдэд болох сургалт, туршлага судлах арга хэмжээнд БНХАУ, Монгол, Пакистан, Филлипин, Лаос, Вьетнам, Казахстан, Соломони арлууд, Камбожи, Индонез, Иран, Тайланд зэрэг орнуудын албаны төлөөлөл оролцож байгаа аж.

Оролцогчид төрийн бодлого боловсруулагчдын чадавхыг бэхжүүлэх, мэдлэг, мэдээлэлтэй болох, Аж үйлдвэрийн парктай холбоотой шилдэг туршлагыг хуваалцах, орон нутагтаа хөгжүүлэх талаар санал бодлоо солилцож байна гэж аймгийн Засаг дарга М.Амарсанаа цахим хуудсаараа дамжуулан мэдээллээ.

