Ховд аймгийн Цэцэг сумын Баяновоо багийн нутаг "Цагаан эрэг"-ийн нөхөн сэргээлтийн ажил 2016 оноос эхлэн хийгдсэн ч бодит үр дүнд хүрэхгүй байсаар 3 жилийн нүүр  үзээд байсан.  Тэгвэл "Цагаан эрэг"-т нөхөн сэргээлт хийж байсан "Өгөөжтэй өв" ХХК-ний үйл ажиллагааг   тодорхойгүй  хугацаагаар зогсоох шийдвэрийг мэргэжлийн байгууллагууд гаргасан байна.



Өөрөөр хэлбэл Байгаль орчин аялал жуулчлалын яам,  Эрүүгийн Цагдаагийн албаны ЭЗГХТГ,  Улсын мөрдөн байцаах газар, МХЕГ, Гадаадын иргэн харъяатын алба, аймгийн МХГ, Цагдаагийн газар, БОАЖГ, Газрын харилцаа барилга хот байгуулалтын газар, ОБГ зэрэг байгууллагууд Ховд аймгийн Цэцэг сумын ЗДТГ-тай хамтран 2018 оны 06 сарын 21-24-ны өдрүүдэд Цэцэг сумын Баяновоо багийн нутаг Цагаан эрэг хэмээх газарт эвдэрсэн газрын нөхөн сэргээлт хийх нэрээр олборлолт явуулж буй "Өгөөжтэй өв" ХХК-ний хууль бус үйл ажиллагааг таслан зогсоох зорилгоор ажиллаж "Өгөөжтэй өв" ХХК-ний ажилчдын байрлаж байсан гэрүүдийг буулгаж, нүүлгэх, тус компанид  ажиллаж байсан хятад иргэдийг холбогдох байгууллагуудад хүлээлгэн өгч шалгуулан, нутаг буцаах, "Өгөөжтэй өв" компаний зүгээс хууль бус олборлолт явуулж олсон их хэмжээний гянт болдыг хурааж ачуулах зэрэг нэгдсэн арга хэмжээг шуурхай авч хэрэгжүүлэн ажиллажээ. 

ВИДЕО:









                                                                                                                                                                                                                                                                                                                                                       С.Жавзандулам