Ээлжит хуралдааныг аймгийн ИТХ-ын дарга З.Эрхбаяр нээж үг хэлсний дараа Монгол улсын төрийн дуулал эгшиглүүлэв.
Мал, амьтны гоц халдварт САТ-1 хэвшлийн шүлхий өвчний тархалт, хорио цээрийн дэглэмтэй холбогдуулан энэ удаагийн хуралдааныг танхим болон цахимаар хослуулан зохион байгуулж байна.
Хуралдаанд нийт 41 төлөөлөгч оролцохоос 15 нь танхимаар, долоо нь цахимаар оролцож 53.6 хувийн ирцтэй байна.
МАН-ын бүлгээс энэ удаагийн хуралдаанд нэг ч төлөөлөгч ирсэнгүй.
Энэ удаагийн хуралдаанаар:
-"Авто тээврийн болон өөрөө явагч хэрэгслийн албан татвар"-ын хэмжээ тогтоох тухай,
-Үл хөдлөх эд хөрөнгийн албан татвар"-ын хувь, хэмжээ тогтоох тухай,
-"Аймаг, сум дахь төрийн захиргааны байгууллага, Засаг даргаас зөвшөөрөл олгоход хураах улсын тэмдэгтийн хураамж"-ийн хэмжээ тогтоох тухай,
-Ховд аймгийн усны сан бүхий газрын хамгаалалтын бүс тогтоох тухай,
-Энгийн хог хаягдлыг цэвэрлэх, ангилах, цуглуулах, тээвэрлэх, дахин ашиглах, устгах, булшлах журам батлах тухай,
-"Монгол гэр бүл" төсөл арга хэмжээ батлах тухай,
-Төсвийн ангилал өөрчлөх тухай,
-Жаргалант сумын гудамж, зам талбай, үл хөдлөх эд хөрөнгийн хаягжуулалт шинэчлэн батлах тухай зэрэг 10 гаруй асуудлыг хэлэлцэн батлах юм.
Хуралдааныг энэ өдөрт багтаан дуусгахаар төлөвлөж байна.
