Олон улсын "Ахмадын өдөр"-ийг тохиолдуулан Ховд аймгийн МАХН-ын түмтээс намынхаа 60 гаруй ахмадуудыг хүлээн авч хүндэтгэл үзүүллээ. Энэхүү үйл ажиллагааг жил бүр уламжлал болгон зохион байгуулдаг бөгөөд ахмад настнаа хүндлэн талархал илэрхийлж, тэдний сургааль үгийг сонсохын зэрэгцээ намын бодлого зорилтын хүрээнд хийж хэрэгжүүлсэн ажлаа танилцуулах зорилготой юм. Арга хэмжээг нээж Ховд аймгийн МАХН-ын түмтийн дарга Б.Юра үг хэлж, ахмадууддаа баярын мэнд хүргээд аз жаргал, эрүүл энхийг хүсэн ерөөв. 

ВИДЕО:

Энэхүү арга хэмжээний үеэр намынхаа үйл хэрэгт хоёргүй сэтгэлээр зүтгэж, ажиллаж, хөдөлмөрлөж ирсэн нэр бүхий ахмадуудыг Халх голын ялалтын 80 жилийн ойн баярын дурсгалын "Халхын гол" хүндэт медаль, намын хүндэт тэмдэг болон бусад медалиудаар шагнаж энгэрийг нь мялаасан юм. Мөн энэхүү үйл ажиллагааны хүрээнд ахмадуудад  зориулсан баярын хурлыг зохион байгуулж, улмаар ахмуудынхаа чөлөөт цагийг зөв боловсон өнгөрүүлэх үүднээс шатар, бильяард, хөзөрийн тэмцээн зохион байгуулж аваргуудаа шалгарууллаа.