Энэ удаагийн сонгуульд МАН-аас нэр дэвшигч, Монгол улсын 30,31 дэх ерөнхий сайд, МАН-ын дарга УХНААГИЙН ХҮРЭЛСҮХ
“БАЯЛАГТАА ЭЗЭН МОНГОЛ” уриатай оролцож байна. Тэрбээр сонгуулийн сурталчилгаагаа орон даяар
“ЦАХИМ”-аар зохион байгуулав.
Нэр дэвшигч У.Хүрэлсүхийн сонгуулийн сурталчилгааны "ЦАХИМ" нээлтийн үйл ажиллагаанд УИХ-ын гишүүн, Хууль зүйн байнгын хорооны дарга Сандагийн Бямбацогт, аймгийн Засаг дарга, МАН-ын хорооны дарга Батсуурийн Дүгэржав, ИТХ-ын дарга Гомбоогийн Пүрэвганди, намын хорооны дэд дарга Төмөрбаатарын Баатарзориг нар болон намын хорооны тэргүүлэгчид, үүрийн дарга нар, гишүүд дэмжигчдийн төлөөлөл оролцлоо.
Энэ үеэр аймгийн Засаг дарга, МАН-ын хорооны дарга Б.Дүгэржав: "Монгол улсын улс төрийн ууган хүчин, зууны түүхтэй, манлай нам МАН-ын дарга У.Хүрэлсүх нь Монгол улсын Ерөнхий сайдаар ажиллахдаа:
-Ховдынхон төдийгүй баруун бүс нутгийн ард иргэдийг цахилгаан эрчим хүчний хараат байдлаас ангижруулж чадах Эрдэнэбүрэнгийн УЦС-ыг ирэх жилүүдэд барьж бүрэн ашиглалтад оруулах асуудлыг шийдсэн,
-Орон нутагт ажлын байр бий болгох, барилгын гол түүхий эд болох цементийн үнийг бууруулах, барилга орон сууцны үнэ хямдрах чухал ач холбогдол бүхий “Ховд-Эко” цементийн үйлдвэрийн барилга бүтээн байгуулалтын ажлыг эхлүүлсэн,
-Ховд аймагт малын гаралтай түүхий эд бүтээгдэхүүнийг үнэд хүргэж малчдын орлогыг нэмэгдүүлэх, ажлын байр бий болгох ач холбогдол бүхий ХАА-н бүтээгдэхүүнийг боловсруулах Үйлдвэр технологийн парк байгуулах асуудлыг шийдвэрлэсэн,
-Аялал жуулчлалыг хөгжүүлэх үүднээс “ХОВД” нисэх буудлыг Олон улсын 4С зэрэглэл бүхий зорчигч, үйлчилгээний цогцолбор болгон өргөжүүлэх асуудлыг шийдвэрлэсэн. Тиймээс бид “УХРАХ БИШ УРАГШЛАХ ЁСТОЙ” Амжилт ялалтыг хүсье" гэлээ.
