УИХ-ын гишүүн, Эрчим хүчний сайд Баттогтохын Чойжилсүрэн энэ сарын 17-ны өдрөөс хойш Ховд аймагт ажиллаж байна.
Хуваарийн дагуу өнөөдөр /2024.02.19/-ний 18:00 цагт Чандмань сумын иргэдийн төлөөлөлтэй уулзав.
Уулзалтаар:
Монгол Улсын төсөв, эдийн засаг, Эрчим хүчний салбарын өнөөгийн нөхцөл байдал ба хэрэгжүүлж буй төсөл арга хэмжээний тухай илтгэл, мэдээлэл танилцууллаа.
Засгийн газрын болон салбарын бодлого шийдвэр, хийж хэрэгжүүлж буй ажлын талаар мэдээлэл авч төрд үгээ дайхыг зорьсон иргэд уулзалтад өргөнөөр оролцов. Энэ үеэр өөрсдийн үзэл бодлоо илэрхийлж сонирхсон асуултаа асуун хариултаа авч санал солилцлоо.
Салбарын сайд орон нутагт ажиллаж байгаа учраас цахилгааны хүчин чадлыг сайжруулах шаардлагатай байгааг хэлж байв.
Дэлхийн банкны санхүүжилтээр энэ онд тус сумын 04кв-ын цахилгаан дамжуулах агаарын шугамыг тухайн орон нутагтай хамтран 720.0 төгрөгийн хөрөнгө оруулалтаар шинэчлэхээр төсөвлөсөн гэдгийг Баруун бүсийн эрчим хүчний систем ТӨХК-аас мэдээллээ.
Уулзалтад сумын ИТХ-ын дарга Д.Балт, Засаг дарга З.Онолбаатар нарын албаны төлөөлөл байлцав.
