Аяны хүрээнд аймгийн ИТХ-ын төлөөлөгчид, Ажлын алба, Ногоон байгаль эко клубийн сурагчидтай хамтран аймгийн төвөөс Манхан сумын чиглэлд 50 дахь км-т байрлах зогсоолын хогийн савыг ачин зайлуулж, нойлыг шинэчилж, орчны хог, хаягдлыг цэвэрлэжээ.
Энэ зогсоолд Дэлхийн байгаль хамгаалах сангаас
"Мөстлөгөөс мэнд үлдсэн Монгол бөхөн" самбарыг өөрийн санхүүжилтээр хийж, аяныг хамтран хэрэгжүүлсэн байна.
Мөн Жаргалант сумын ИТХ, Засаг даргын Тамгын газар болон
“Ховд Эко” цементийн үйлдвэрийн хамт олныг
"Хоггүй зогсоол" аянд нэгдэхийг уриалж аяны самбарыг гардуулан өглөө.
Аянд нэгдсэн байгууллага, хамт олон тус бүр нэг авто зогсоолыг тохижуулж, нойлыг нь шинээр хийж, хогийн савыг нь авч жишиг байдлаар тохижуулж өгөх үүрэг хүлээнэ гэж аймгийн ИТХ-ын Ажлын албанаас мэдээллээ.
"Хоггүй зогсоол" аяныг хэрэгжүүлэхэд иргэн бүрийн оролцоо чухал билээ!
Ховд аймгийн Жаргалант сумын Засаг даргын Тамгын газар
Ховд Эко цемент
