Залуучуудын хөдөлмөр эрхлэлт, гарааны бизнесийг дэмжих хөтөлбөрийн хүрээнд Ховд аймагт оршин суугаа залуусын гарааны бизнес эрхлэлтийг дэмжиж, шинэ бизнес эрхлэх хүсэлтэй залуустаа 10 сая төгрөгийн санхүүжилтийг хүүгүй, ямар нэгэн барьцаагүй, 36 сарын хугацаанд эргэн төлөгдөх нөхцөлтэйгөөр авах боломжийг олгох үүднээс Ховд аймгийн ХХҮГ, “Start up Монгол” ТББ хамтран "Залуучуудын гарааны бизнесийг дэмжих арга хэмжээ"-г энэ сарын 18-21-ний өдрүүдэд анх удаа онлайнаар зохион байгууллаа. Энэ удаагийн арга хэмжээнд Ховд аймгийн харьяат нийт 66 залуус бүртгүүлжээ. Үүнээс эхний шатны сонгон шалгаруулалтад 33 залуу бизнес  санаагаа танилцуулав. Харин 2 дахь шатанд 12 залуу бизнес санаагаа өрсөлдөх эрхээ авч, улмаар оролцогчид баг болон хуваагдаж бизнес санаагаа хөгжүүлэн өрсөлдөв. Залуучуудын гарааны бизнесийг дэмжих арга хэмжээнд оролцсон залуучуудаас Жаргалант сумын иргэн Б.Хэрлэнгийн "Ховд буйдан", Н.Наранчимэгийн "Бэлтэгэсэн мах боловсруулалт, түгээлт", Б.Нинжбадгарын "Гэр бүлийн салон" цогц үйлчилгээ", Э.Даваадалайгийн "3D сийлбэр" төслүүд шалгарч тус бүр 10 сая төгрөгийн санхүүжилт авлаа.