Ховд, Увс, Завхан, Говь-Алтай, Баян-Өлгий аймгийн төрийн албан хаагчдын төлөөлөл 700 гаруй хүн оролцсон “Бүсчилсэн хөгжил-Төрийн албаны манлайлал” баруун бүсийн зөвлөгөөнийг энэ сарын 7-8-ны өдрүүдэд Ховд хотноо амжилттай зохион байгууллаа. 

Хоёр өдрийн турш үргэлжилсэн зөвлөгөөнөөр дамжуулан 20 орчим сэдвийн хүрээнд илтгэл, мэдээлэл, салбар хэлэлцүүлэг өрнүүлж, оролцогчид ажил амьдралд ус агаар мэт хэрэгтэй шинэ мэдлэг, шинэ арга барилыг оролцооны аргаар олгосноороо ач холбогдолтой.  

Мөн бүс нутгийн хөгжлийн тулгамдсан асуудлыг хэлэлцэн, шийдлийг хамтдаа эрэлхийллээ.  

Зөвлөгөөний төгсгөлд:  

“Төрийн албан хаагчийн ёс зүйн асуудал, хууль тогтоомжийн хэрэгжилт сэдвийн хүрээнд хэлэлцүүлэг өрнүүлж, Ёс зүйн хорооны ажлын албаны дарга Н.Ганбаатар хэлэлцүүлгийн чиглүүлэгчээр ажиллав. 

Энэ үеэр төрийн албан хаагчийн үнэт зүйл, ёс зүй, ёс суртахууны асуудал, ёс зүйн дэд хорооны ажиллах чиглэл, тулгамдаж буй асуудлаар бусад  аймгууддаа туршлага болохуйц асуудлыг таван аймгийн холбогдох төлөөллүүд хөндөн ярилцлаа. 

Мөн төрийн албаны тулгамдсан асуудлаар оролцогчдын санал хүсэлтийг нээлттэй сонсов.

Зөвлөгөөний үр дүнд:

-Шийдвэрлэх шаардлагатай, тулгамдсан асуудлыг төр засгийн бодлого, шийдвэрт тусгуулах,

-УИХ, Засгийн газар, холбогдох төрийн захиргааны төв байгууллагуудтай хамтран ажиллана гэдгийг төрийн албаны зөвлөлийн гишүүн Д.Баатарсайхан зөвлөгөөнийг хааж хэлсэн үгэндээ онцоллоо.