“ШИНЭ ХОВД БАРИЛГЫН ЧУУЛГАН-2023” арга хэмжээний хүрээнд зохион байгуулж буй нэг чухал ажил нь
“ШИНЭ ХОВД БАРИЛГА ЭКСПО-2023” үзэсгэлэн яармаг юм.
Аймгийн Спортын ордонд болж буй тус яармагт барилга, дэд бүтэц, материал үйлдвэрлэл, үйлчилгээ, тоног төхөөрөмжийн худалдаа, банк санхүү зэрэг 20 гаруй чиглэлийн, 30 гаруй компани, аж ахуйн нэгж оролцон үйлчилгээгээ танилцуулж байна.
Манай аймгаас гадна Улаанбаатар хот, зэргэлдээх аймгаас ч хэд хэдэн компани “ШИНЭ ХОВД БАРИЛГА ЭКСПО-2023”-ийг зорин иржээ.
Аймгийн Засаг дарга Э.Болормаа яармагт оролцож буй компани, аж ахуйн нэгжийнхэнтэй уулзаж бүтээгдэхүүн үйлчилгээтэй нь танилцав.